මුලතිව් හි පිහිටි එල්.ටී.ටී.ඊ. ත්‍රස්තවාදීන්ගේ ඉලක්කයන් වෙත ඊයේ (පෙබ. 01) දිනය තුලදී දෙවරක් ගුවන් ප්‍රහාර එල්ල කළ බව ගුවන් හමුදාව පවසයි. මෙම ප්‍රහාර සඳහා ප්‍රහාරක ජෙට් යානා උපයෝගී කර ගෙන තිබේ.
මුලතිව් උතුරු ප්‍රදේශයේ කොටි ත්‍රස්තවාදීන් එක්රැස් වී සිටි ස්ථානයකට මිග් 27 ප්‍රහාරක ජෙට් යානා උපයෝගී කර ගනිමින් සවස 4 ට පමණ ප්‍රහාර දියත් කළ බව ගුවන් හමුදා මාධ්‍ය ප්‍රකාශක වින්ග් කමාන්ඩර් ජනක නානායක්කාර මහතා පැවසීය. ගොඩබිම් සටන් වල නිරත වී සිටින යුද හමුදාවේ 59 වන සේනාංකයේ භට පිරිස් විසින් ප්‍රහාරය සඳහා අවශ්‍ය තොරතුරු ලබා දී ඇත.
