undefined
undefined
මුලතිව් නන්තිකන්දාල් කලපුවට බටහිරින් වූ ප්‍රදේශයේ දී යුද හමුදාවේ 59 වන සේනාංකය සහ එල්.ටී.ටි.ඊ. ත්‍රස්තවාදීන් අතර ඊයේ (පෙබ 01) දිනයේ දී දරුණු ගැටුම් පැවති බව ආරක්ෂක ආරංචි මාර්ග සඳහන් කරයි. මෙම ගැටුම් වලදී ත්‍රස්තවාදීන්ට බරපතල හානි සිදු වී ඇතැයි ද ආරක්ෂක ආරංචි මාර්ග වැඩි දුරටත් සඳහන් කරයි.
උදෑසන සිට ආරම්භ වූ සටන් සවස 6 පමණ වන තුරු පැවති අතර ත්‍රස්තවාදීන් නොකඩවා යුද මුක්ත කලාපයේ සිට යුද හමුදාව වෙත කාලතුවක්කු ප්‍රහාර එල්ල කර ඇත. කොටි ත්‍රස්තවාදීන්ගේ ප්‍රහාරයන්ට සාර්ථකව ප්‍රහාර එල්ල කළ යුද හමුදා භට පිරිස් ත්‍රසත්වාදීන්ගේ ශක්තිමත් ස්ථාන කිහිපයක් විනාශ කිරීමට ද සමත් විය. මේ වන විට ප්‍රදේශයේ සෝදිසි සහ බලය තහවුරු කිරීමේ මෙහෙයුම් ක්‍රියාත්මක වන බව යුද හුමදා ආරංචි මාර්ග සඳහන් කරයි.
