|| - LankaNewZ - ||

ඊයේ (පෙබරවාරි 21) දින විශ්වමඩු ප්‍රදේශයේ සෝදීසි මෙහෙයුමක නිරත 57 සේනාංකයට අයත් භට පිරිස් ත්‍රස්තවාදීන්ට අයත් අවි ආයුධ රැසක් සොයා ගනු ලැබිණි. පුද්ගලනාශක බෝම්බ 50 ක්, ක්ලේමෝ බෝම්බ 7 ක් හා අත්බෝම්බ 213 ක් මේ අතර විය.

නරක් වූ ත්‍රස්ත කාන්තා සිරුරක්, ටී-56 ගිනි අවි 3 ක්, අයිකොම් සන්නිවේදන උපකරණයක් සමග එම්පීඑම්ජී වර්ගයේ පතුරම් 1000 ක් ද මෙහිදී ආරක්ෂක අංශ විසින් වැඩිදුරටත් අනාවරණය කර ගනු ලැබිණි.

ප්‍රදේශයේ සිදුකළ තවත් සෝදීසී මෙහෙයුමකින් 57 සේනාංක භට පිරිස් විසින් ත්‍රස්තවාදීන් විසින් පරිහරණය කරන ලද විදුලිජණක යන්ත්‍රයක් අත්පත් කර ගෙන ඇත.

ශ්‍රී ලංකා යුද හමුදා 58වන බල සේනාංකය පුතුක්කුඩිඉරිප්පු දකුණු ප්‍රදේශයේ සිය ආධිපත්‍ය පැතිරවීමට සමත්වී ඇති බව යුද බිමෙන් ලැබෙන නවතම වාර්තා සඳහන් කරයි.

6 වන ගැමුණු බළකාය, 8වන ගැමුණු, 12 වන ගැමුණු, 11 වන පාබල සේනාංකය, 10වන පාබල සේනාංකය, 7වන සිංහ යන සේනාංක වලට අයත් භට පිරිස් මේවන විට මෙම ප්‍රදේශයේ මෙහෙයුම් වල නිරතව සිටී.

භට පිරිස් යුද උපක්‍රමිකව ඒ-35 පරන්තන් මුලතිව් මාර්ගය හරහා ජලමාර්ග හා එල්.ටී.ටී.ඊ. ස්ථාන අත්පත්කරගනිමින්, ත්‍රස්තවාදීන්ට දැඩි ප්‍රහාර එල්ල කරමින් මෙම ස්ථානයට ලගාවී ඇත.

දේශපාලන නායකයන් මරා දමමින් ඉන්දු-ලංකා ගිවිසුම කුණු කූඩයට දැමූ එල්.ටී.ටී.ඊ.ය ලංකාවේ වර්තමාන තත්ත්වයට වගකිව යුතු යැයි ඉන්දීය ස්වදේශ කටයුතු ඇමැති පී. චිදම්බරම් මහතා ප‍්‍රකාශ කැර ඇත.

ඇමැතිවරයා මේ බව කියා සිටියේ තමිල්නාඩුවේ මහජන රැලියක් අමතමිනි.

ප‍්‍රභාකරන් දමිළ ජනතාවගේ එකම නායකයා නොවන බවද ශ‍්‍රී ලංකාවේ ජාතික ප‍්‍රශ්නය විසැඳීම සඳහා මෙවන් ආඥාදායකයෙකුට බලයට ඒමට උදවු කිරීමෙන් විසඳුමක් නොලැබෙන බවද ඔහු පවසා තිබේ.

කිසිදු හමුදාවක් ත‍්‍රස්තවාදී කණ්ඩායමක් සමඟ සාකච්ඡාවට සූදානම් නැති බවද ප‍්‍රභාකරන් වහාම ආයුධ බිම තැබිය යුතු බවද මේ තාක් කිසිදු කාලයක අවිගත් කණ්ඩායමක් විසින් කළ ඉල්ලීම් සාර්ථක වී නැති බවද ඔහු ප‍්‍රකාශ කැර තිබේ.

මුලතිව් - පරන්තන් (ඒ 35) මාර්ගයට උතුරු දෙසින් වූ ප්‍රදේශයේ මෙහෙයුම් දියත් කරමින් සිටින යුද හමුදාවේ 58 වන සේනාංකයේ භට පිරිස් සහ කොටි ත්‍රස්තවාදීන් අතර ඊයේ (12) දිනයේ දී අවස්ථා ගණනාවකදී ගැටුම් හට ගෙන තිබේ.

ආරක්ෂක වාර්තා සඳහන් කරන අන්දමට කුප්පිලාන්කුලම් ප්‍රදේශයේ දී දෙපාර්ශවය අතර දරුණු ගැටුම් හට ගෙන ඇති අතර එම ගැටුම් වලදී ත්‍රස්තවාදීන්ට බරපතල හානි සිදු වී තිබේ. ගැටුම් වලින් අනතුරුව ප්‍රදේශයේ සිදු කළ සෝදිසි මෙහෙයුම් වලදී ත්‍රස්තවාදීන්ගේ මළ සිරුරු 02ක්, ටී 56 ගිනි අවි 2ක්, පණිවිඩ හුවමාරු යන්ත්‍රයක් සහ යතුරු පැදියක් සොයා ගැනීමට හැකි වී ඇත.

මේ අතර කුප්පිලාන්කුලම ප්‍රදේශයේ ස්ථාන ගත වී සිටින යුද හමුදා ස්නයිපර් ප්‍රහාරකයින් විසින් අවස්ථා දෙකකදී කොටි ත්‍රස්තවාදීන්ට ප්‍රහාර එල්ල කර ත්‍රස්තවාදීන් දෙදෙනෙකු මරා දමා තිබේ.

ගූවන් හමුදා වාර්තා වල දැක්වෙන පරිදි රත්මලාන ගූවන් තොටුපොලින් ගුවන් ගත කරනු ලැබු මෙම ආහාර තොගය සිවිල් ජනතාව අතර බෙදා හැරිම සදහා 58 වන සේනාංකය වෙත බාර දී ඇත.

මෙරට දමිල ඡනතාවගේ එකම නියෝජිතයායැයි කියා ගන්නා එල්.ටී.ටී.ඊ. සංවිධානය ත්‍රස්ත ග්‍රහණයෙන් මිදී ආරක්ෂක අංශ රැකවරණය පතා පලාඑන බාල, තරුණ, මහළු අවිහිංසක සිවිල් වැසියන් ට වෙඩි තබා මරා දමද්දී ආරක්ෂක අංශ මේ වන විට එම අසරණ ජනතාව ත්‍රස්ත ග්‍රහණයෙන් මුදා ගැනීම සඳහා දැවැන්ත මෙහෙයුමක් දියත් කරමින් සිටී.

විශ්‍රාමික හමුදා නිළධාරී මේජර් ජෙනරාල් ජානක පෙරේරා මහතා ඇතුළු පිරිසක් පසුගිය වසරේදී අනුරාධපුර ප්‍රදේශයේදී ඝාතනය කිරීම සම්බන්ධව ප්‍රධාන සැකකරුවෙක් ශ්‍රී ලංතා පොලීසිය විසින් අත්අඩංගුවට ගෙන ඇත.

පොලිස් ආරංචි මාර්ග වල දැක්වෙන පරිදි නෙසියකුලම් - මාන්කුලම් ප්‍රදේශයේ පදිංචි අබුසාලි ජබීර් ලෙස හඳුනා ගෙන ඇති මෙම සැකකකරු විසින් මන්ද බුද්ධික මරා‍ගෙන මැරෙන බෝම්බකරු සිය භාරයේ සෙට්ටිකුලම සිට මැදවච්චිය ප්‍රදේශයට රැගෙන විත් වෙනත් අයෙක් වෙත ඔහුව භාර දී තිබිණි. ඊයේ (පෙබරවාරි 10) දින අළුයම 5.15 ට පමණ සියඹලාන්ඩුව, නෙරියකුලම පොලිස් මාර්ග ඝාධකයේදී මෙම සැකකරු අත්අඩංගුවට පත්වූ බව වැ‍ඩි දුරටත් එම ආරංචි සඳහන් කරයි.

මුලතිව් පුතුකුඩිඉරිප්පු බටහිර ප්‍රදේශයේ මෙහෙයුම් වල නිරත වී සිටින යුද හමුදාවේ කාර්ය සාධක බළකා 2 ට අයත් භට පිරිස් විසින් එල්.ටී.ටි.ඊ. ග්‍රහණයෙන් මිදී පලා එමින් සිටි තවත් සිවිල් වැසියන් 970 දෙනෙකු බේරා ගැනීමට අද (පෙබ 10) උදෑසන සමත් විය.

මෙම පිරිස අද උදෑසන 6 ත් 7 ත් අතර කාලයේ දී කොටි ත්‍රස්තවාදීන්ගේ වෙඩි ප්‍රහාරයන් මධ්‍යයේ ආරක්ෂක අංශ වෙත ලඟා වූ බව ආරක්ෂක ආරංචි මාර්ග සඳහන් කරයි. කොටින්ගේ වෙඩි ප්‍රහාර වලට ලක්වීමෙන් සිවිල් වැසියන් 30 දෙනෙකු පමණ තුවාල ලබා ඇති අතර ඔවුන්ගෙන් 10 දෙනෙකුගේ තත්ත්වය බරපතල බවද වාර්තා සඳහන් කරයි. තුවාල ලැබූවන්ගෙන් වැඩි පිරිසක් කාන්තාවන් හා කුඩා ළමුන් වේ.

සුළු තුවාල ලැබූවන් සඳහා යුද හමුදාව එම ප්‍රදේශයේ දීම ප්‍රතිකාර ලබා දීමට කටුයුතු කර ඇති අතර බරපතල තත්ත්වයේ පසුවන්නන් ප්‍රථමාධාර ලබා දීමෙන් අනතුරුව ගුවන් මගින් අනුරාධපුර සහ වව්නියාව රෝහල් වෙත පිටත් කර යැවීමට කටයුතු කොට තිබේ.

ධර්මපුරම් හි පිහිටි සාමාන්‍ය ජනතාව රැඳී සිටින සුභසාධන කඳවුරේ අද (පෙබ. 09) 11.40 ට පමණ සිදුවූ එල්.ටී.ටී.ඊ. මරාගෙන මැරෙන බෝම්බ ප්‍රහාරයෙන් සාමාන්‍ය වැසියන් 17 ‍ෙදනෙකු මියගොස් තවත් 45 දෙනෙකු පමණ තුවාල ලබා ඇති බව වාර්තා සඳහන් කරයි. තුවාල කරුවන් ගිලන්රථ මගින් කිලිනොච්චි රෝහල වෙත රැගෙන ගොස් ඇත.

කොටි ග්‍රහණයෙන් මිඳී පලා එන සිවිල් වැසියන් දහස් ගණනක් අතරේ පැමිණි මෙම මරාගෙන මැරෙන බෝම්බකාරිය, යුද හමුදා සෙබළුන් සාමාන්‍ය වැසියන් පරීක්ෂාකරන අතරතුරේදී මෙම බෝම්බය පුපුරවාගෙන ඇති අතර, මෙම පිපිරීමෙන් මියගිය හා තුවාල ලැබූ සංඛ්‍යාව මෙයට වඩා වැඩි විය හැකි බව ආරක්ෂක වාර්තා සඳහන් කරයි. මෙම අවස්ථාවේදී කාන්තාවන් හා කුඩා ළමයින් විශාල පිරිසක් මෙම ස්ථානයේ රැඳී සිට ඇත.

එල්.ටී.ටී.ඊ. ග්‍රහණයෙන් මිඳී ආරක්ෂක රැකවරණ පතා පැමිණෙන සාමාන්‍ය වැසියන්ගේ පැමිණීම වැළැක්වීමේ අරමුණෙන් මෙම ම්ලේච්ඡ ප්‍රහාරය එල්ල කර ඇති බව යුද විශ්ලේෂකයිගේ මතයයි.

එල්.ටී.ටී.ඊ.යේ ත්‍රස්තවාදී නායකයෙකු සැඟවී සිටි ස්ථානයක් සහ තවත් කොටි ඉලක්ක හතකට ඊයේ ගුවන් ප්‍රහාර එල්ල කළ බව ගුවන් හමුදා මාධ්‍ය ප්‍රකාශක ජනක නානායක්කාර මහතා රජයේ නිල පුවත් වෙබ් අඩවියට අදහස් දක්වමින් පවසා ඇත.

මුලතිව්, පුතුකුඩිඉරුප්පු මංසන්දියේ සිට කිලෝමීටරයක් පමණ ඊසාන දෙසින් පිහිටා තිබූ කොටි නායකයා සැඟව සිටි ස්ථානයට ඊයේ (6) පස්වරුවේ දී ගුවන් ප්‍රහාර එල්ල කර තිබේ.

දහවල් 1.45 ට සහ සවස 4.45 ට ප්‍රහාරඑල්ල කළ අතර ප්‍රථම ප්‍රහාරය එල්ල වූ අවස්ථාවේ සිටම ත්‍රස්තවාදීන්ගේ පණිවිඩ හුවමාරු සියල්ල නතර වී තිබූ බව වාර්තාවේ. ඊයේ සවස 6.00 වන විට නන්තිකන්ඩාල් කලපුවේ සිට වයඹ දෙසින් සහ පුදුකුඩුඉරිප්පු මංසන්දියේ සිට කිමී1.5ක් ඊසාන දෙසින් පිහිටි කොටි ඉලක්ක වෙත ගුවන් ප්‍රහාර 6ක් ල්ල කර තිබේ.

මේ ප්‍රහාර සඳහා මිග්, කෆීර්, එෆ් 7 සහ එම්.අයි. 24 ප්‍රහාරක යානා යොදාගත් බව නානායක්කාර මහතා පැවසීය.

ශ්‍රී ලංකා ගුවන්විදුලි සංස්ථාව ආරම්භ කරන නවතම ගුවන්විදුලි සේවය වන ‘වයඹ හඬ’ එෆ්.එම්.විකාශය අද (07) ආරම්භ වේ. ‘මුහුදු රැල්ලේ සිට කඳු රැල්ල’ දක්වා නම් තේමාව යටතේ මෙය ක්‍රියාත්මක කෙරේ.

මෙම ගුවන්විදුලි සේවයේ මූලික අරමුණු අතර වයඹ පළාතේ ජාතික සංවර්ධනයට මෙහෙවරක් ඉටු කිරීම, වයඹ සංස්කෘතික උරුමය හා කෘෂිකර්මය නඟා සිටුවීම, හරවත් ගුවන්විදුලි ශ්‍රාවක පිරිසක් බිහි කිරීම යනාදිය වේ.

ජනාධිපති මහින්ද රාජපක්ෂ මැතිතුමා සහභාගිවන ඇතුගල්පුර එක්සත් ජනතා නිදහස් සන්ධාන ජන රැළිය නිල වශයෙන් ප්‍රචාරය කරමින් මෙහි විකාශන කටයුතු ආරම්භ කිරීමට නියමිත ය.

එෆ්.එම්. 99.6 ඔස්සේ අලුයම 5.00සිට රාත්‍රී 10.00 දක්වා මෙම නාලිකාව ශ්‍රවණය කිරීමේ හැකියාව ඇත.

ශ්‍රී ලංකාව හමුවේ ලබාගත් ජයග්‍රහණ මත ඉන්දීය ක්‍රිකට් කණ්ඩායම එක්දින ශ්‍රේණි ගත කිරීම් අතර දෙවැනි ස්ථානය ට පැමිණ ඇත. ඒ අනුව දකුණු අප්‍රිකාව පළමු ස්ථානයෙත්, ඕස්ට්‍රේලියාව තුන් වන ස්ථානයත් ලබා ගෙන සිටී. ශ්‍රී ලංකා කණ්ඩායම මෙම තරගාවලිය තුල තරග කර අන්දම, ඉතාමත් පහත් මට්ටමක දකින්නට ලැබුනු අතර මේ වන විට පැවති තරග 4 න් තරග 4 ම ඉන්දීය කණ්ඩායම ජයග්‍රහණය කලේ ඉතාමත් පහසුවෙනි.

මුලතිව් නන්තිකන්දාල් කලපුවට බටහිරින් වූ ප්‍රදේශයේ දී යුද හමුදාවේ 59 වන සේනාංකය සහ එල්.ටී.ටි.ඊ. ත්‍රස්තවාදීන් අතර ඊයේ (පෙබ 01) දිනයේ දී දරුණු ගැටුම් පැවති බව ආරක්ෂක ආරංචි මාර්ග සඳහන් කරයි. මෙම ගැටුම් වලදී ත්‍රස්තවාදීන්ට බරපතල හානි සිදු වී ඇතැයි ද ආරක්ෂක ආරංචි මාර්ග වැඩි දුරටත් සඳහන් කරයි.

උදෑසන සිට ආරම්භ වූ සටන් සවස 6 පමණ වන තුරු පැවති අතර ත්‍රස්තවාදීන් නොකඩවා යුද මුක්ත කලාපයේ සිට යුද හමුදාව වෙත කාලතුවක්කු ප්‍රහාර එල්ල කර ඇත. කොටි ත්‍රස්තවාදීන්ගේ ප්‍රහාරයන්ට සාර්ථකව ප්‍රහාර එල්ල කළ යුද හමුදා භට පිරිස් ත්‍රසත්වාදීන්ගේ ශක්තිමත් ස්ථාන කිහිපයක් විනාශ කිරීමට ද සමත් විය. මේ වන විට ප්‍රදේශයේ සෝදිසි සහ බලය තහවුරු කිරීමේ මෙහෙයුම් ක්‍රියාත්මක වන බව යුද හුමදා ආරංචි මාර්ග සඳහන් කරයි.

මුලතිව් හි පිහිටි එල්.ටී.ටී.ඊ. ත්‍රස්තවාදීන්ගේ ඉලක්කයන් වෙත ඊයේ (පෙබ. 01) දිනය තුලදී දෙවරක් ගුවන් ප්‍රහාර එල්ල කළ බව ගුවන් හමුදාව පවසයි. මෙම ප්‍රහාර සඳහා ප්‍රහාරක ජෙට් යානා උපයෝගී කර ගෙන තිබේ.

මුලතිව් උතුරු ප්‍රදේශයේ කොටි ත්‍රස්තවාදීන් එක්රැස් වී සිටි ස්ථානයකට මිග් 27 ප්‍රහාරක ජෙට් යානා උපයෝගී කර ගනිමින් සවස 4 ට පමණ ප්‍රහාර දියත් කළ බව ගුවන් හමුදා මාධ්‍ය ප්‍රකාශක වින්ග් කමාන්ඩර් ජනක නානායක්කාර මහතා පැවසීය. ගොඩබිම් සටන් වල නිරත වී සිටින යුද හමුදාවේ 59 වන සේනාංකයේ භට පිරිස් විසින් ‍ප්‍රහාරය සඳහා අවශ්‍ය තොරතුරු ලබා දී ඇත.

මෙම පිරිස පවුල් 11 කට අයත් වන අතර කාන්තාවන් 13 දෙනෙකු , පිරිමි 14 දෙනෙකු සහ කුඩා ළමුන් 16 දෙනෙකුගෙන් සමන්විත වේ. කුඩා ප්‍රමාණයේ ඩිංගි යාත්‍රාවන් දෙකක නැගී මුලතිව් මුහුදේ ආරක්ෂක රැකවල්හි යෙදී සිටින නාවික හමුදා යාත්‍රා වෙත පැමිණීමට මෙම පිරිස සමත් වී ඇත. මේ දිනවල මුලතිව් මුහුද තීරයේ පවතින මුහුදේ රළු බවද නොසලකා තම ජීවිත පවා පරදුවට තබමින් මෙලෙස පැමිණියේ කොටි ත්‍රස්තවාදීන්ගේ එල්ල වන අමානුෂික වද හිංසා ඉවසා ගත නොහැකිව බව ඔවුන් පවසති. මෙම පිරිස පුල්මුඩෙයි පිහිට නාවික හමුදා අණු ඛණ්ඩය වෙත රැගෙන ඒමට නාවික හමුදාව කටයුතු කර ඇති අතර ඔවුන්ට අවශ්‍ය ඇඳුම් පැළඳුම්, ආහාර පාන, වෛද්‍ය පහසුකම් ඇතුළු සියලු අවශ්‍යතා සපයා දී ඇත.

මේ වන විට මුලතිව් විශ්වමඩු ප්‍රදේශයේ මෙහෙයුම් වල නිරත වී සිටින යුද හමුදාවේ 58 වන සේනාංකයේ භට පිරිස් ඊයේ (ජන 31) දිනයේ දී එල්.ටී.ටී.ඊ. ත්‍රස්තවාදීන් පරාජය කර යුද ජයග්‍රහණ රැසක් අත් කර ගැනීමට සමත් වූ බව ආරක්ෂක ආරංචි මාර්ග සඳහන් කරයි.

582 වන බල සේනාව යටතේ ක්‍රියාත්මක වන 11 වන පාබල රෙජිමේන්තුවට අයත් භට පිරිස් ඊයේ උදෑසන පිරමන්තල්කුලම් දකුණු ප්‍රදේශයේ දී එල්.ටී.ටී.ඊ. ත්‍රස්තවාදීන්ගේ ඉතාමත් ආරක්ෂා සහිතව ඉදි කර තිබූ යුද කඳවුරක් අත්පත් කර ගැනීමට සමත් විය.

ඒ 35 (පරන්තන් - මුලතිව්) මාර්ගය ඔස්සේ නැගෙනහිර දෙසට මෙහෙයුම් දියත් කරමින් සිටියදී 12 වන සැතපුම් කණුවට උතුරින් වූ ප්‍රදේශයේ පිහිටා තිබූ මෙම කඳවුර අත්පත් කර ගැනීමට භට පිරිස් සමත් විය.. එහි රැඳී සිටි ත්‍රස්තවාදීන්ට ප්‍රහාර එල්ල කළ භට පිරිස් කඳවුරේ බලය සියතට ගැනීමට සමත් විය. මෙහිදී දෙපාර්ශවය අතර දරුණු ගැටුම් ඇවිලී ගිය බව ආරක්ෂක වාර්තා සඳහන් කරයි. ප්‍රහාරයෙන් පසුව ප්‍රදේශයේ සිදු කළ සෝදිසි මෙහෙයුමේ දී මිය ගිය ත්‍රස්තවාදීන් 9 දෙනෙකුගේ සිරුරු, ටී 56 ගිනි අවි 2ක්, ඇමෙරිකාවේ නිෂ්පාදිත එල්එම්ජී අවියක් සහ ඇමෙරිකාවේ නිෂ්පාදිත රසායනික අවි 9ක් ඇතුළු යුද උපකරණ රැසක් සොයා ගැනීමට හැකි විය. තවද මෙම කඳවුර තුල වූ වායුසමීකරණය කළ භූගත බංකරයක් ද සොයා ගැනීමට හැකි වී තිබේ.